Cymorth yn Coleg Gwent

Mae Coleg Gwent wedi ymrwymo i gefnogi ei ddysgwyr drwy gydol y broses bontio ac ar ôl ymrestru.

Rydym yma i helpu pawb i ddysgu a chyrraedd eu potensial llawn yn Coleg Gwent. Felly, rydym yn cynnig amrywiaeth eang o wasanaethau cymorth cyffredinol i bob dysgwr, gan gynnwys:

• Hwb Cymorth
• Tiwtorialau wythnosol gyda thiwtor personol
• Llyfrgelloedd gyda staff gwybodus
• Meddalwedd hygyrchedd
• Trefniadau Mynediad ar gyfer Arholiadau
• Ardaloedd tawel
• Tîmau ADY

Mae’r coleg yn cynnig ystod eang o gymorth cyffredinol i helpu pawb i ddysgu a chyrraedd eu potensial llawn yn Coleg Gwent.  Fodd bynnag, rydym yr un mor ymrwymedig i gefnogi’r dysgwyr hynny nad oes modd bodloni eu hanghenion drwy’r cymorth cyffredinol sy’n cael ei gynnig.

Mae gan y coleg dîm ADY pwrpasol sydd ar gael i sicrhau bod yr holl anghenion dysgu’n cael eu bodloni, yn ogystal â chefnogi’r holl ddysgwyr i drosglwyddo’n ddidrafferth o’r ysgol i’r coleg.

Mae’r hwb cymorth yn Coleg Gwent yn cael ei adnabod ar hyn o bryd fel Cymorth CG. Mae’r tîm yn Cymorth CG wrth law i gefnogi dysgwyr gyda phob agwedd ar fywyd coleg ac academaidd. Galwch heibio am sgwrs i weld pa gymorth y gallwn ei gynnig.

Mae Coleg Gwent wedi ymrwymo i helpu dysgwyr i ddatblygu eu sgiliau a Gwybodaeth, yn ogystal â’u cefnogi a magu eu hyder drwy gydol eu cyfnod yn y coleg.

Rydym yn datblygu ein defnydd o Dechnoleg Gynorthwyol yn barhaus yn y coleg, ac yn ceisio dod o hyd i ffyrdd o wella’r profiad dysgu.

Mae gan bob cyfrifiadur myfyrwyr feddalwedd hygyrchedd, yn cynnwys:

• Vu-Bar – bar ar y sgrin sy’n ddefnyddiol i ddysgwyr dyslecsig sy’n neidio dros linellau neu’n cwympo o un llinell i’r llall wrth ddarllen.
• Thunder Screenreader – yn helpu dysgwyr sy’n ddall neu’n rhannol ddall i ddefnyddio cyfrifiadur lle mae’r dangosydd yn cael ei optimeiddio ar gyfer hygyrchedd hawdd.
• ssOverlay – troshaen lliw ar gyfer y sgrin lle gellir addasu’r lefelau lliw a thryloywder i weddu i’r dysgwr.
• Balabolka – rhaglen Testun i Leferydd lle gallwch chi gopïo a gludo testun i mewn i Balabolka a bydd y rhaglen yn darllen y testun yn ôl i chi.
• Microsoft Immersive Reader – technoleg gynorthwyol Testun i Leferydd, ar gael yn Word, Teams ac One Note, ac ar gael yn PowerPoint yn fuan.
• Apiau EdTech megis Canvas a Wakelet – edrychwch am yr eicon Immersive Reader.
• Gallwch gael mynediad at e-lyfrau technoleg gynorthwyol drwy’r Porth Dysgwr – dangosfyrddau ‘Sut I’ a ‘Gwybodaeth’. Mae gan yr e-lyfrau swyddogaeth ‘Darllenwch i mi’.

Gall symud o’r ysgol i’r coleg, newid cyrsiau o fewn coleg neu symud o un campws i gampws arall fod yn frawychus a chynyddu lefelau gorbryder.

Mae cefnogaeth bontio ar gael i’r holl ddysgwyr, gyda digwyddiadau agored a dyddiau blasu’n cael eu cynnal drwy gydol y flwyddyn. Yn Coleg Gwent, rydym yn cynnig cefnogaeth bontio unigryw er mwyn helpu pob un dysgwr i drosglwyddo’n ddidrafferth a heb straen.

Ar gyfer unrhyw ddysgwyr a all fod ag Anghenion Dysgu Ychwanegol, rydym yn eich annog i gysylltu ag aelod o’r tîm ADY er mwyn i ni gael sgwrs gyda chi cyn ichi gyrraedd.